Յուրգեն Կլոպ. Անսպասելի ընկել է Գրոսկրոյցի արյան ճնշումը
20:52 26 սեպտեմբերի, 2014Գերմանիայի փոխչեմպիոն Դորտմունդի «Բորուսիան» դարձյալ կադրային խնդիրներ ունի: Այդ մասին «Շալկեի» դեմ Գերմանիայի առաջնության 6-րդ տուրի հանդիպումից առաջ հայտնել է թիմի գլխավոր մարզիչ Յուրգեն Կլոպը:
«Շատ յուրահատուկ վիճակ է: Երկու թիմերն էլ ունեն կադրային խնդիրներ: Մեր թիմում Սեբաստիան Կելը դեռ պատրաստ չէ դուրս գալ խաղադաշտ: Վազքային վարժություններ կատարած Գյունդոգանը դարձյալ մկանային խնդիրներ ունի: Անսպասելի ընկել է Գրոսկրոյցի արյան ճնշումը»,- Յուրգեն Կլոպի խոսքը մեջբերում է Kicker-ը:
Հիշեցնենք, որ վնասվածքի պատճառով դեռ երեք շաբաթ չի կարողանա խաղալ նաեւ «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը:
Սեպտեմբերի 27-ին կայանալիք «Շալկե» - «Բորուսիա» հանդիպումը կմեկնարկի Երեւանի ժամանակով 17:30-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։