«Պադերբորնի» հաղթանակը «Բավարիայի» նկատմամբ անակնկալ կլինի բոլորի համար, ասել է մյունխենյան թիմի իսպանացի գլխավոր մարզիչ Խոսեպ Գվարդիոլան: Գերմանիայի առաջնության 5-րդ տուրում «Բավարիան» կընդունի Բունդեսլիգայի նորեկին, որը չորրորդ տուրից հետո գլխավորում է մրցաշարային աղյուսակը:
«Մրցակիցն ունի բարձր խաղամակարդակ եւ գործում է հսկայական էնտուզիազմով: Նրանք որեւէ ճնշում չեն զգում, չեմպիոնի տիտղոս չեն պաշտպանում: Կարծում եմ, որ կխաղան պաշտպանությունից: Նրանք միշտ են այդպես գործել: Չեմ կարծում, որ «Պադերբորնի» մարտավարությունում կլինի փոփոխություն: Եթե նրանք հաղթանակ տանեն, դա անակնկալ կլինի բոլորի համար, իսկ չհաղթելու դեպքում, շատ չեն տխրի»,- Գվարդիոլայի խոսքը մեջբերում է «Բավարիայի» կայքը:
Բունդեսլիգայի չորս տուրից հետո «Պադերբորնը», «Մայնցը», «Հոֆենհայմը» եւ «Բավարիան» վաստակել են 8-ական միավոր:
Սեպտեմբերի 23-ին կայանալիք «Բավարիա» - «Պադերբորն» հանդիպումը կմեկնարկի Երեւանի ժամանակով 22:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։