Արթուր Սարկիսովն ու Արթուր Մինոսյանը՝ տուրի խորհրդանշական հավաքականում
23:34 22 սեպտեմբերի, 2014Նիժնի Նովգորոդի «Վոլգայի» եւ Հայաստանի հավաքականի հարձակվող Արթուր Սարկիսովը եւ «Վոլգայի» կիսապաշտպան Արթուր Մինոսյանն ընդգրկվել են Ռուսաստանի Առաջին դիվիզիոնի 11-րդ տուրի խորհրդանշական հավաքականում, հաղորդում է onedivision.ru-ն:
«38 րոպեում Արթուր Սարկիսովը վճռեց խաղի ելքը: Նա դարձավ գոլի հեղինակ եւ իր թիմի համար վաստակեց 11 մետրանոցի իրավունք: Արթուր Մինոսյանը կազմակերպեց առաջին գոլը՝ խլելով գնդակը մրցակցից եւ արդյունավետ փոխանցում կատարելով Սարկիսովին»,- գրում է կայքը:
Հիշեցնենք, որ «Վոլգան» 3:1 հաշվով հաղթել է Վլադիվոստոկի «Լուչ Էներգիային»: Սարկիսովը 38-րդ րոպեին փոխարինվել է վնասվածքի պատճառով: Մինոսյանն անցկացրել է ամբողջ հանդիպումը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։