Սպորտի նախարարի շնորհավորանքը
12:22 21 սեպտեմբերի, 2014Հայաստանի սպորտի եւ երիտասարդության հարցերի նախարար Գաբրիել Ղազարյանը շնորհավորանք է հղել Հայաստանի Հանրապետության անկախության 23-րդ տարեդարձի կապակցությամբ:
«Շնորհավորում եմ ողջ հայ ժողովրդին Անկախության օրվա կապակցությամբ: Տոն, որին մենք հասել ենք երկար տարիների պայքարի ու հայ ժողովրդի անկոտրում կամքի շնորհիվ:
Մեր նորանկախ հայրենիքի յուրաքանչյուր քաղաքացի պետք է հպարտությամբ եւ մեծ արժանապատվությամբ կրի անկախ Հայաստանի քաղաքացի լինելու պատիվը՝ ձգտելով իր հնարավորությունները, գիտելիքները եւ մասնագիտական կարողությունները ի նպաստ ներդնել հանուն մեր հայրենիքի հետագա զարգացման:
Հայաստանի անկախությունն այն գաղափարն է, որին ձգտել են մեր հայրերն ու պապերը, որի համար մարտընչել են մեր եղբայները եւ որի պահպանումը ներկա սերնդի սուրբ գործն է: Ես վստահ եմ, որ յուրաքանչյուրս մեր նվիրվածությամբ եւ լավ աշխատանքով կկարողանանք ապահովել եւ պահպանել մեր հայրենիքի զարգացումը կյանքի բոլոր ոլորտներում:
Կրկին շնորհավորում եմ բոլորիս, եւ կեցցե՛ անկախ Հայաստանի Հանրապետությունը»,- նշվում է շնորհավորանքում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։