«Մեծ սաղավարտ». Լեւոն Արոնյանը մրցաշարն ավարտեց Վիշի Անանդի նկատմամբ հաղթանակով
21:01 20 սեպտեմբերի, 2014ՖԻԴԵ-ի երկրորդ համար Լեւոն Արոնյանը հաղթանակով ավարտեց Իսպանիայի Բիլբաո քաղաքում անցկացված շախմատի «Մեծ սաղավարտի» 2014թ. խաղարկության եզրափակիչ փուլի մրցաշարը: Վերջին՝ 6-րդ տուրում հայ գրոսմայստերը սպիտակներով 46-րդ քայլում պարտության մատնեց շախմատի աշխարհի չեմպիոնի հավակնորդ Վիշվանաթան Անադին, ով այս պարտիայից առաջ ապահովել էր մրցաշարի հաղթողի տիտղոսը:
Հնդիկ գրոսմայստերը մրցաշարն ավարտեց 11 միավորով, իսկ Լեւոն Արոնյանը՝ 10: Իսպանացի Ֆրանսիսկո Վալյեխո Պոնսը վերջին տուրում սպիտակներով հաղթեց Ռուսլան Պոնոմարյովին՝ 5 միավորով հավասարվելով ուկրաինացի գրոսմայստերին:
Հիշեցնենք, որ Բիլբաոյում հաղթանակի համար տրվում էր 3 միավոր, ոչ ոքիի համար՝ 1:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։