Բեկենբաուեր. Եթե Ռոնալդուի եւ Բեյլի համար վճարել են 100-ական միլիոն եվրո, Կրոյֆը կարժենար միլիարդներ

09:17   20 սեպտեմբերի, 2014

Մյունխենի «Բավարիայի» պատվավոր նախագահ Ֆրանց Բեկենբաուերը գովեստի խոսքեր է ասել Հոլանդիայի հավաքականի նախկին ֆուտբոլիստ, հետագայում Ամստերդամի «Այաքսը» եւ կատալոնական «Բարսելոնան» գլխավորած Յոհան Կրոյֆի հասցեին։ Նա կարծում է, որ հոլանդացին որպես ֆուտբոլիստ բազմաթիվ անգամ ավելի լավն էր, քան Մադրիդի «Ռեալի» պորտուգալացի հարձակվող Կրիշտիանու Ռոնալդուն եւ ուելսցի կիսապաշտպան Գարեթ Բեյլը։

«Եթե Ռոնալդուի եւ Բեյլի նման ֆուտբոլիստների համար վճարել են 100-ական միլիոն եվրո, ապա Կրոյֆը կարժենար միլիարդներ»,- Բեկենբաուերի խոսքը մեջբերում է Goal.com-ը։

(Լուսանկարում Յոհան Կրոյֆն է)

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։