ՈւԵՖԱ-ի ֆրանսիացի նախագահ Միշել Պլատինին հայտարարել է, որ 2020թ. Եվրոպայի առաջնության եզրափակիչ մրցաշարի եզրափակիչ եւ կիսաեզրափակիչ հանդիպումների անցկացման վայրի քվեարկության ժամանակ պաշտպանել է Լոնդոնի «Ուեմբլիի» թեկնածությունը:
«Բրիտանական մամուլի ներկայացուցիչները պետք է իմանան, որ ես քվեարկել եմ Լոնդոնի օգտին: Իսկ գործկոմի անդամներին նվիրած ժամացույցների մասին կասեմ, որ ինձ նվիրում են ժամացույց, ձեզ նվիրում են, բոլորիս էլ նվիրում են ժամացույց: Ոչ մի տարօրինակ բան չեմ տեսնում»,- Պլատինիի խոսքը մեջբերում է dailymail-ը:
Բրիտանական մամուլը հայտնի է համաշխարհային եւ եվրոպական ֆուտբոլային իշխանություններին կառուպցիայի մեջ բազմաթիվ մեղադրանքներով: Մեղադրական հրապարակումները հատկապես սուր էին, երբ 2018թ. աշխարհի առաջնության անցկացման իրավունքը ստացավ Ռուսաստանը, իսկ 2022թ. աշխարհի առաջնությանը՝ Քաթարը:
Հիշեցնենք, որ սեպտեմբերի 19-ին ՈւԵՖԱ-ն հրապարակել է 2020թ. Եվրոպայի առաջնության եզրափակիչ մրցաշարի 13 քաղաքները:
Լոնդոն (Անգլիա)՝ կիսաեզրափակիչներ եւ եզրափակիչ
Մյունխեն (Գերմանիա)՝ խմբային փուլի երեք հանդիպում, 1/4 եզրափակիչ
Սանկտ Պետերբուրգ (Ռուսաստան)՝ խմբային փուլի երեք հանդիպում, 1/4 եզրափակիչ
Հռոմ (Իտալիա)՝ խմբային փուլի երեք հանդիպում, 1/4 եզրափակիչ
Բաքու (Ադրբեջան)՝ խմբային փուլի երեք հանդիպում, 1/4 եզրափակիչ
Բյուսել (Բելգիա)՝ խմբային փուլի երեք հանդիպում, 1/8 եզրափակիչ
Կոպենհագեն (Դանիա)՝ խմբային փուլի երեք հանդիպում, 1/8 եզրափակիչ
Բուդապեշտ (Հունգարիա)՝ խմբային փուլի երեք հանդիպում, 1/8 եզրափակիչ
Ամստերդամ (Հոլանդիա)՝ երեք խմբային փուլի հանդիպում, 1/8 եզրափակիչ
Դուբլին (Իռլանդիա)՝ խմբային փուլի երեք հանդիպում, 1/8 եզրափակիչ
Բուխարեստ (Ռումինիա)՝ խմբային փուլի երեք հանդիպում, 1/8 եզրափակիչ
Գլազգո (Շոտլանդիա)՝ խմբային փուլի երեք հանդիպում, 1/8 եզրափակիչ
Բիլբաո (Իսպանիա)՝ խմբային փուլի երեք հանդիպում, 1/8 եզրափակիչ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։