Զինեդին Զիդանին սպառնում է որակազրկում
22:18 18 սեպտեմբերի, 2014Մադրիդի «Ռեալի» երկրորդ թիմի գլխավոր մարզիչ Զինեդին Զիդանին սպառնում է վեց ամսվա որակազրկում: Պատճառն առանց մարզչական արտոնագրի աշխատելն է, հաղորդում է dailymail-ը:
Իսպանիայի մարզիչների ազգային ասոցիացիան բողոք է ներկայացրել Զիդանի դեմ՝ նշելով անհրաժեշտ արտոնագրի բացակայությունը: Արքայական ակումբից պարզաբանել են, որ երկրորդ թիմի գլխավոր մարզիչը պաշտոնապես Սերխիո Սանչեսն է, իսկ Զիդանը նրա օգնականն է: Սակայն մեղադրող կողմը ներկայացրել է փաստաթղթային ապացույց եւ տեսագրություններ, որոնք փաստում են հակառակը:
Անցած մրցաշրջանում «Ռեալի» իտալացի գլխավոր մարզիչ Կարլո Անչելոտիի օգնականի պաշտոնը զբաղեցրած Զիդանը երկրորդ թիմ է տեղափոխվել օգոստոսին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։