ՈւԵՖԱ-ն հաստատեց 2016թ. եվրագավաթների եզրափակիչների ստադիոնները
21:53 18 սեպտեմբերի, 2014ՈւԵՖԱ-ի գործադիր կոմիտեի նիստում հաստատվել են 2015-2016 թվականների եվրագավաթային մրցաշարերի եզրափակիչ հանդիպումների ստադիոնները: Միլանի «Սան Սիրոն» կընդունի Չեմպիոնների լիգայի եզրափակիչը: Իտալական «Միլանի» եւ «Ինտերի» ստադիոնը չորրորդ անգամ է արժանանում այդ պատվին: Այստեղ եզրափակիչներ տեղի են ունեցել նաեւ 1965-ին, 1970-ին եւ 2001-ին:
Եվրոպայի լիգայի եզրափակիչ հանդիպումը տեղի կունենա շվեյցարական Բազելի «Սանտ Յակոբ Պարկ» ստադիոնում:
2016թ. Եվրոպայի Սուպերգավաթի հանդիպումը կընդունի Նորվեգիայի Տրոնհեյմ քաղաքի «Լերկենդալ» ստադիոնը: Խաղը կկայանա օգոստոսի 9-ին:
Հիշեցնենք, որ Չեմպիոնների լիգայի ընթացիկ մրցաշարի եզրափակիչը տեղի կունենա Բեռլինի «Օլիմպիական» ստադիոնում, իսկ Եվրոպայի լիգայի եզրափակիչը՝ Վարշավայի «Ազգային» ստադիոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։