«Լիվերպուլի» ֆուտբոլիստը բաց կթողնի եւս երկու ամիս

19:11   18 սեպտեմբերի, 2014

«Լիվերպուլի» պաշտպան Ջոն Ֆլենագանը ձախ ծնկի վիրահատությունից հետո բաց կթողնի երկու ամիս, հաղորդում է անգլիական ակումբի պաշտոնական էջը Թվիթերում:

Ֆլենագանը ծնկի հետ կապված խնդիրներ ունի հուլիսից: 21-ամյա պաշտպանը վնասվածք էր ստացել նախամրցաշրջանային շրջագայության ժամանակ: Նա ընդհանուր խումբ պետք է վերադառնար սեպտեմբերին, սակայն պահանջվել է վիրահատություն:

Ֆլենագանը «Լիվերպուլի» գլխավոր թիմում նորամուտը նշել է 2011-ին, իսկ Անգլիայի հավաքականում առաջին անգամ խաղացել է հունիսին՝ Էկվադորի դեմ ընկերական խաղում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։