Իբրահիմովիչ. Ակնհայտ է, որ «Այաքսի» երկրպագուներն ինձ էին անվանում «Աստծո որդի» (ֆոտո)

12:09   18 սեպտեմբերի, 2014

Ֆրանսիական ՊՍԺ-ի եւ Շվեդիայի հավաքականի հարձակվող Զլատան Իբրահիմովիչը ֆուտբոլի Չեմպիոնների լիգայի խմբային փուլի՝ հոլանդական «Այաքսի» հետ խաղից հետո հայտարարել է, որ երկրպագուների ցուցադրած «Բարի վերադարձ, Աստծո որդի» պաստառն ուղղված էր իրեն։

«Ակնհայտ է, որ այդ պաստառը նվիրված էր ինձ։ Հիանալի է վերադառնալ այստեղ եւ հանդիպում անցկացնել։ Արտակարգ երեկո էր։ Սակայն, հաշվի առնելով Ամստերդամում կորցրած միավորները, պետք է կենտրոնանանք «Բարսելոնայում» դրական արդյունքի հասնելու վրա»,- 32-ամյա ֆուտբոլիստի խոսքը մեջբերում է Goal.com-ը։

Հիշեցնենք, որ «Այաքս» - ՊՍԺ խաղն ավարտվել է 1։1 հաշվով։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։