Արաս Օզբիլիս. Այսօր երկար ճանապարհ է սկսվում (ֆոտո)

23:58   15 սեպտեմբերի, 2014

Մոսկվայի «Սպարտակի» եւ Հայաստանի ազգային հավաքականի կիսապաշտպան Արաս Օզբիլիսը խոսել է սեպտեմբերի 15-ին Հռոմում կայացած ծնկի վիրահատության մասին։ 24-ամյա ֆուտբոլիստն Instagram-ի իր էջում շնորհակալություն է հայտնել աջակցության համար։

«Վիրահատությունը հաջող է անցել։ Շնորհակալություն պրոֆեսոր Մարիանիին։ Այսօր սկսվում է երկար ճանապարհ, եւ ես կվերադառնամ ավելի ուժեղ։ Վերջին ամիսները բավականին բարդ էին։ Շնորհակալություն ձեզ աջակցության համար»,- գրել է Օզբիլիսը։

Հիշեցնենք, որ Օզբիլիսը վնասվածք է ստացել մայիսի 31-ին կայացած Ալժիրի դեմ ընկերական հանդիպման ժամանակ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։