Հունահռոմեական ոճի ըմբշամարտի աշխարհի նորընծա չեմպիոն Արթուր Ալեքսանյանը Տաշքենդում NEWS.am Sport-ի թղթակցի հետ զրույցում անդրադարձել է Արթուր Աբրահամի շնորհավորական ուղերձին, որը պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոնը նրան հղել էր Ուզբեկստանի մայրաքաղաքում նվաճած ոսկե մեդալի առթիվ:
«Արթուր Աբրահամի պես բարձրակարգ մարզիկի կարծիքը մեծ պատիվ է ինձ համար: Ցանկությունս է, որ մեր երկիրն ունենա շատ չեմպիոններ, ովքեր իրենց հաղթանակներով կերջանկացնեն մարդկանց»,- զրույցում հայտնել է Արթուր Ալեքսանյանը:
Հիշեցնենք, որ աշխարհի 2014թ. առաջնության 98 կգ քաշայինների եզրափակիչում գյումրեցի ըմբիշը 55 վայրկյանում 8:0 հաշվով հաղթել էր գերմանացի Օլիվեր Հասլերին:
Շուշանիկ Հակոբյան՝ Տաշքենդից («Դեւինպորտ» ընկերության աջակցությամբ)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։