ՖԻԴԵ-ի երկրորդ համար Լեւոն Արոնյանը եւ բուլղարացի Վեսելին Տոպալովը խաղաղությամբ բաժանվեցին ԱՄՆ-ի Սենթ Լուիս քաղաքում շարունակվող Sinquefield Cup շախմատային մրցաշարի 7-րդ տուրում: Պարտիան ավարտվեց 40-րդ քայլում: Հայ գրոսմայստերը խաղում էր սեւերով:
Իտալացի Ֆաբիանո Կարուանան սեւերով 39-րդ քայլում առավելության հասավ ֆրանսիացի Մաքսիմ Վաշյե-Լագրավի նկատմամբ՝ տանելով 7-րդ անընմդեջ հաղթանակը:
Լեւոն Արոնյանն ունի 2.5 միավոր եւ Վաշյե-Լագրավի հետ բաժանում է 4-5-րդ տեղերը: Կարուանան 100 տոկոսանոց ցուցանիշով միանձնյա գլխավորում է մրցաշարային աղյուսակը՝ 3 միավոր գերազանցելով երկրորդ տեղում գտնվող աշխարհի չեմպիոն Մագնուս Կարլսենին:
Սեպտեմբերի 4-ին կայանալիք 8-րդ տուրում Հայաստանի հավաքականի առաջատարը սպիտակներով կխաղա Վաշյե-Լագրավի հետ:
Sinquefield Cup, 7-րդ տուր
Վեսելին Տոպալով (Բուլղարիա) - Լեւոն Արոնյան (Հայաստան)՝ 0.5:0.5
Մագնուս Կարլսեն (Նորվեգիա) - Հիկարու Նակամուրա (ԱՄՆ)՝ 1:0
Մաքսիմ Վաշյե-Լագրավ (Ֆրանսիա) - Ֆաբիանո Կարուանա (Իտալիա)՝ 0:1
Մրցաշարային աղյուսակ
1. Ֆաբիանո Կարուանա՝ 7
2. Մագնուս Կարլսեն՝ 4
3. Վեսելին Տոպալով՝ 3
4. Լեւոն Արոնյան՝ 2.5
5. Մաքսիմ Վաշյե-Լագրավ՝ 2.5
6. Հիկարու Նակամուրա՝ 2
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։