Հայաստանի երիտասարդական հավաքականը 4 գոլ բաց թողեց Իսլանդիայում

Ֆուտբոլի Հայաստանի մինչեւ 21 տարեկանների հավաքականը հերթական պարտությունը կրեց Եվրոպայի երիտասարդական առաջնության ընտրական փուլում: 7-րդ տուրում Հայաստանի թիմը հյուրընկալվելիս 0:4 հաշվով պարտվեց իսլանդացիներին` զրկվելով խմբից դուրս գալու հնարավորությունից: 

Իսլանդիայի մայրաքաղաք Ռեյկյավիկում կայացած խաղում դաշտի տերերից դուբլի հեղինակ դարձավ Հոլմբերտ Ֆրիդյոնսոնը, իսկ Էմիլ Ատլասոնը եւ Օլիվեր Ֆինսենն աչքի ընկան մեկական անգամ:

10-րդ խմբում Հայաստանի երիտասարդական հավաքականը 7 խաղերից հետո ունի 6 միավոր եւ նախավերջին՝ չորրորդ տեղում է: Խմբի առաջատարը 18 միավոր հավաքած Ֆրանսիան է, որը մեկ խաղ պակաս է անցկացրել Իսլանդիան ունի 15 միավոր, Ղազախստանը՝ 9, իսկ Բելառուսը՝ 3:

Եվրոպայի երիտասարդական առաջնություն, ընտրական փուլ, 10-րդ խումբ

Իսլանդիա – Հայաստան՝ 4:0

Հոլմբերտ Ֆրիդյոնսոն, 24, 57, Էմիլ Ատլասոն, 68, Օլիվեր Ֆինսեն, 90

Հայաստան. Արթուր Թորոյան, Վասպուրակ Մինասյան, Գրիգոր Հովհաննիսյան, Արամ Շախնազարյան, Դավիթ Մարիկյան, Կարեն Մուրադյան, Գոռ Մալաքյան (Գագիկ Պողոսյան, 71), Տիգրան Բարսեղյան, Աղվան Պապիկյան, Արտյոմ Սիմոնյան (Արամ Լոռեցյան, 85), Ղուկաս Պողոսյան (Դավիթ Հակոբյան, 61):