«Վարդարի» կայք. Միրանյանը մրցակցություն կստեղծի թիմի հարձակման գծում
19:56 1 սեպտեմբերի, 2014Մակեդոնական «Վարդարի» կայքն անդրադարձել է թիմի նորեկ Արթուր Միրանյանին: Դոնեցկի «Շախտյորից» տեղափոխված 18-ամյա հարձակվողն օրեր առաջ 3 տարվա պայմանագիր էր կնքել «Վարդարի» հետ:
«Միրանյանը ժամանել է «Շախտյորից»: Նա ծնվել է Երեւանում, սակայն ունի նաեւ Ուկրաինայի քաղաքացիություն եւ հանդես է եկել այդ երկրի պատանեկան թիմերում: «Շախտյորի» պատանեկան թիմում Արթուրը մասնակցել է Չեմպիոնների լիագայի 5 խաղի՝ գրավելով «Ռեալ Սոսյեդադի» դարպասը: Խոստումնալից ֆուտբոլիստը մրցակցություն կստեղծի մեր թիմի հարձակման գծում: Բարի գալուստ, Արթո՛ւր»,- գրում է ակումբի կայքը:
Հիշեցնենք, որ վերջերս ՖԻՖԱ-ն Արթուր Միրանյանին թույլ էր տվել հանդես գալ Հայաստանի դրոշի ներքո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։