Դորտմունդի «Բորուսիան» մեկ տարվա վարձակալությամբ գերմանական «Մայնցին» է տրամադրել կիսապաշտպան Յոնաս Հոֆմանին, հաղորդում է Գերմանիայի փոխչեմպիոնների կայքը: Նախկինում «Հոֆենհայմում» հանդես եկած Հոֆմանը 2012-ից «Բորուսիայի» կազմում անցկացրել է Գերմանիայի առաջնության 31 հանդիպում եւ խփել է երկու գնդակ:
«Շատ կարեւոր է խաղային պրակտիկա ստանալը: Ես շնորհակալություն եմ հայտնում ակումբակիցներիս եւ երկրպագուներին: Հույս ունեմ, որ «Բորուսիայի» հետ իմ հարաբերությունները չեն ավարտվում»,- ասել է 22-ամյա ֆուտբոլիստը:
«Մայնցը» Գերմանիայի անցած առաջնությունում գրավել է 7-րդ տեղը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։