Անխել Դի Մարիայի առաջին տրանսֆերը՝ 26 ֆուտբոլային գնդակի խոստումով
13:40 1 սեպտեմբերի, 20141992 թվականին չորս տարեկանում մանկական հիպերակտիվության պատճառով ֆուտբոլի թիմ ընդունված արգենտինացի Անխել Դի Մարիայի առաջին տրանսֆերի համար «Ռոսարիո Սենտրալն» այն ժամանակ խոստացել է 26 ֆուտբոլային գնդակ, սակայն արգենտինական «Էլ Տորիտոն» այդպես էլ չի ստացել: Այդ մասին բրիտանական mirror-ին պատմել է «Էլ Տորիտոյի» նախագահ Խորխե Կորնեյոն:
«Մենք չէինք կարող գումար պահանջել այդ տարիքի երեխայի համար: Նրանք էլ խոստացան 26 գնդակ: Բայց «Ռոսարիոն» խոստումը չկատարեց: Մենք ոչինչ չստացանք»,- ասել է Խորխե Կորնեյոն:
«Էլ Տորիտոյում» Դի Մարիան մեկ մրցաշրջանում խփել է 64 գնդակ: «Ռոսարիոյի» կազմում Դի Մարիան անցկացրել է 35 հանդիպում եւ խփել 6 գնդակ: 2007-ին արգենտինացի կիսապաշտպանը պայմանագիր կնքեց պորտուգալական «Բենֆիկայի» հետ: «Ռոսարիոն» ստացավ 6 միլիոն եվրո:
Հիշեցնենք, որ օգոստոսի 26-ին Դի Մարիան հինգ տարվա պայմանագիր է կնքել «Մանչեսթեր Յունայթեդի» հետ: 26-ամյա Դի Մարիային ձեռք բերելու համար «Մանչեսթեր Յունայթեդը» վճարել է 59,7 միլիոն ֆունտ ստերլինգ, ինչը ռեկորդային է անգլիական ֆուտբոլի համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։