Գերմանիայի փոխչեմպիոն Դորտմունդի «Բորուսիայի» գործադիր տնօրեն Յանս-Յոահիմ Վացկեն մեկնաբանել է ճապոնացի կիսապաշտպան Սինձի Կագավայի տեղափոխությունը «Մանչեսթեր Յունայթեդից» «Բորուսիա»:
«Կագավան ստեղծագործական բնույթի տեխնիկապես շատ ուժեղ ֆուտբոլիստ է: Նա ինքնուրույն կարող է իր հետեւից տանել թիմակիցներին եւ թելադրել խաղի ռիթմը: Նա շատ էր ցանկանում վերադառնալ «Բորուսիա»: Մենք վստահ ենք, որ մեր թիմում Կագավան կգտնի հանգստություն, հարգանք եւ խաղային ժամանակ, որի կարիքը զգում է: Երկու տարվա ոչ մշտական ելույթներից հետո նա դարձյալ կցուցադրի իր լավագույն խաղը»,- «Բորուսիայի» գործադիր տնօրենի խոսքը մեջբերում է Sport1-ը:
Կագավայի տրանսֆերի համար գերմանական ակումբը վճարել է 8 միլիոն եվրո: Կողմերը կնքել են չորս տարվա պայմանագիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։