Իսպանական Պրիմերայի երկրորդ տուրում կատալոնական «Բարսելոնան» մրցակցի խաղադաշտում նվազագույն հաշվով առավելության հասավ «Վիլյառեալի» նկատմամբ՝ տանելով երկրորդ հաղթանակը:
Ամբողջ խաղի ընթացքում կատալոնացիներն ունեին խաղային եւ տարածքային առավելություն, սակայն միայն վերջնամասում հաղթանակ կորզեցին: Հյուրերը մեկը մյուսի հետեւից կորցնում էին գոլային պահեր, բայց 81-րդ րոպեին փոխարինման դուրս եկած իսպանացի 19-ամյա կիսապաշտպան Սանդրո Ռամիրեսն իր առաջին գոլը խփեց «Բարսելոնայի» գլխավոր թիմում՝ վերջակետ դնելով խաղին:
Հանդիպման վերջնամասում փոխարինման մտավ նաեւ «Բարսելոնայի» բրազիլացի հարձակվող Նեյմարը, ով ԱԱ-2014-ում ստացած մեջքի վնասվածքից հետո առաջին անգամ դուրս եկավ խաղադաշտ: Բրազիլիայի հավաքականի ռմբարկուն բավական ակտիվ էր եւ մասնակցեց նաեւ գոլային գրոհին:
Իսպանիայի առաջնություն, երկրորդ տուր
«Վիլյառալ» - «Բարսելոնա»՝ 0:1
Սանդրո Ռամիրես, 81
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։