Իսպանիայում օգոստոսի 30-ին մեկնարկում է բասկետբոլի տղամարդկանց աշխարհի առաջնությունը: 24 հավաքականներ կպայքարեն տիտղոսի համար: Աշխարհի առաջնություններում առաջին անգամ հանդես կգան Ուկրաինան եւ Ֆինլանդիան: Աշխարհի չեմպիոնի տիտղոսը կպաշտպանի ԱՄՆ-ի հավաքականը, որը չորս տարի առաջ Թուրքիայում վերադարձրեց չեմպիոնական կոչումը 12 տարվա ընդմիջումից հետո: 2010թ. առաջնության եզրափակիչում ամերիկացիները հաղթեցին Թուրքիային:
A խումբ, Գրանադա
Իսպանիա, Սերբիա, Ֆրանսիա, Բրազիլիա, Եգիպտոս, Իրան
B խումբ, Սեւիլիա
Հունաստան, Խորվաթիա, Արգենտինա, Պուերտո Ռիկո, Ֆիլիպիններ, Սենեգալ
C խումբ, Բարակալդո
ԱՄՆ, Թուրքիա, Ուկրաինա, Դոմինիկանա, Ֆինլանդիա, Նոր Զելանդիա
D խումբ, Լաս Պալմաս
Լիտվա, Ավստրալիա, Սլովենիա, Անգոլա, Հարավային Կորեա, Մեքսիկա
Խմբային փուլի հանդիպումները կավարտվեն սեպտեմբերի 4-ին: 1/8 եզրափակիչը տեղի կունենա սեպտեմբերի 6-7-ին, քառորդ եզրափակիչը՝ սեպտեմբերի 9-10-ին, կիսաեզրափակիչը՝ սեպտեմբերի 11-12-ին, երրորդ տեղի խաղը՝ սեպտեմբերի 13-ին, եզրափակիչը՝ սեպտեմբերի 14-ին: 1/8, 1/4, 1/2 եզրափակիչի հանդիպումները կանցկացվեն Մադրիդում եւ Բարսելոնայում, երրորդ տեղի խաղն ու եզրափակիչը՝ Մադրիդում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։