Յուրգեն Կլոպ. Հանգիստ ընդունեցինք վիճակահանության արդյունքները
10:24 29 օգոստոսի, 2014Դորտմունդի «Բորուսիայի» գլխավոր մարզիչ Յուրգեն Կլոպը մեկնաբանել է ֆուտբոլի Չեմպիոնների լիգայի խմբային փուլի վիճակահանության արդյունքները։ Գերմանիայի փոխչեմպիոնն ընդգրկվել է D խմբում, որտեղ դորտմունդցիների մրցակիցներն են Լոնդոնի «Արսենալը», Ստամբուլի «Գալաթասարայը» եւ բելգիական «Անդերլեխտը»։
«Հանդիպելու ենք ինչպես հին, այնպես էլ նոր դեմքերի հետ։ Երբեք չեմ խաղացել Բրյուսելում եւ Ստամբուլում։ Վիճակահանությունից առաջ ոչ մի նախապատվություն չունեինք, այդ պատճառով հանգիստ ընդունեցինք արդյունքները»,- գերմանացի մասնագետի խոսքը մեջբերում է ՈւԵՖԱ-ի կայքը։
Խմբային փուլի առաջին հանդիպումը «Բորուսիան» կանցկացնի սեպտեմբերի 16-ին։ Դորտմունդցիները տանը կընդունեն «Արսենալին»։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։