Հաջորդ նվաճումս լինելու են Ռիո-2016-ի Խաղերը, ձգտելու եմ այնտեղից եւս մեդալով վերադառնալ Հայաստան:
Այս մասին NEWS.am Sport-ի թղթակցի հետ զրույցում ասաց 2-րդ պատանեկան օլիմպիական խաղերի ոսկե մեդալակիր, 77 կգ քաշային ծանրորդ Հակոբ Մկրտչյանը:
«Շատ ուրախ եմ, որ կարողացել եմ Հայաստանի համար նվաճել այս ոսկե մեդալը, օլիմպիական չեմպիոն դառնալ: Անբացատրելի ուրախություն եմ զգում, հուզմունք: Երբ հանձնեցին ոսկե մեդալը, այդ պահին ես ինձ Հայաստանի հերոս էի զգում:
Մեծ դժվարությամբ ինձ հաջողվեց հայտնվել առաջատարի դերում: Մրցակիցներս շատ ուժեղ էին: Բայց եթե այդ մրցակիցներս չլինեին, եւ ես չպայքարեի, ես չէի հաղթի, չէի լինի օլիմպիական չեմպիոն: Չեի սպասում այս հաղթանակին: Այդ անինքնավստահությունս գալիս էր Եվրոպայի առաջնությունից, որտեղ լավ մասնակցություն չունեցա, այդ պատճառով կարծես՝ չէի հավատում, որ կկարողանամ գերազանցել բոլորին:
Հաղթանակս նվիրում եմ հարազատներիս, ընկերներիս, մարզիչներիս: Հաջորդ քայլս լինելու է Ռիո-2016-ի ուղեգիր նվաճելը, մասնակցելը եւ մեդալով վերադառնալը»,- ասաց Հակոբ Մկրտչյանը:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։