Շվեյցարացի մարզիչ Բեռնար Շալանդը հայտարարել է, որ Եվրոպայի առաջնության ընտրական մրցաշարի մեկնարկային խաղում Հայաստանի թիմի մրցակից Դանիայի հավաքականն արդեն այն թիմը չէ, որին անցած ընտրական շրջափուլում հայ ֆուտբոլիստները հաղթել են 4:0 հաշվով:
«Պորտուգալիան ընտրական խմբի ֆավորիտն է: Սերբիան մեծ առաջընթաց է ունեցել: Դանիայի հավաքականում մեծ փոփոխություններ են եղել: Սա այն Դանիան չէ, որին Հայաստանը հաղթել է 4:0 հաշվով: Սա այլեւս այն թիմը չէ: Ալբանիան եւս լավ թիմ ունի: Մենք կարող ենք մեկ անգամ հաղթել Պորտուգալիային: Երրորդ տեղը զբաղեցնելու դեպքում մենք կարող ենք անցումային հանդիպումներում նվաճել ուղեգիր: Ես հավատում եմ եւ վստահ եմ, որ մենք կարող ենք դուրս գալ եզրափակիչ փուլ»,- «Արմենիա» հեռուստաընկերության եթերում ասել է ֆուտբոլի Հայաստանի ազգային հավաքականի գլխավոր մարզիչ Բեռնար Շալանդը:
Հիշեցնենք, որ Հայաստանի հավաքականը սեպտեմբերի 3-ին Ռիգայում ընկերական խաղում կմրցի Լատվիայի թիմի հետ, իսկ սեպտեմբերի 7-ին Կոպենհագենում Դանիայի հետ խաղով կմեկնարկի Եվրոպայի առաջնության ընտրական մրցաշարում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։