Պաշտոնական. Կ. Մկրտչյանն ու Ռ. Հովսեփյանը՝ Դոնեցկի «Մետալուրգի» ֆուտբոլիստներ (ֆոտո)
17:27 28 օգոստոսի, 2014Դոնեցկի «Մետալուրգի» մարզական տնօրեն Վարդան Իսրայելյանը հայտարարել է, որ Հայաստանի ազգային հավաքականի կիսապաշտպաններ Կառլեն Մկրտչյանը եւ Ռումյան Հովսեփյանը կարիերան կշարունակեն ուկրաինական ակումբում:
«Մախաչկալայի «Անժիում» վարձակալությամբ հանդես գալուց հետո մեր թիմ է վերադարձել Հայաստանի հավաքականի 25-ամյա կիսապաշտպան Կառլեն Մկրտչյանը: Հայաստանի հավաքականի 22-ամյա կիսապաշտպան Ռումյան Հովսեփյանը մեր թիմ է տեղափոխվել Երեւանի «Բանանցից»՝ կնքելով լիարժեք պայմանագիր: Նրանք հայտավորվել են Պրեմյեր լիգայում եւ առաջիկա կիրակի կկարողանան մասնակցել Խարկովի «Մետալիստի» հետ խաղին»,- Վարդան Իսրայելյանի խոսքը մեջբերում է «Մետալուրգի» կայքը:
ՀՖՖ կայքը հայտնել է, որ Ռումյան Հովսեփյանը կնքել է երեք տարվա պայմանագիր:
«Մետալուրգը» ձեռք է բերել նաեւ 19-ամյա պաշտպան էդուարդ Սոբոլին: «Մետալուրգն» այժմ տնային հանդիպումներն անցկացնում է Կիեւում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։