Ղազախական «Ակտոբեի» եւ Հայաստանի հավաքականի կիսապաշտպան Մարկոս Պիզելին խոսել է լեհական «Լեգիայի» հետ Եվրոպայի լիգայի որակավորման վերջին փուլի դիմակայության եւ Ղազախստանում մնալու հավանականության մասին:
«Ղազախստանի առաջնությունը վատը չէ: Շատ լավ ֆուտբոլիստներ են ժամանում այստեղ: Մենք առաջին տեղում ենք, սակայն դա բարդ է: Բոլորը պայքարում են եւ ցանկանում են հաղթել «Ակտոբեին»: Կան մի քանի լավ թիմեր, որոնք հավակնում են չեմպիոնությանը:
«Լեգիայի» դեմ խաղում պետք է լինենք կենտրոնացված: Այդ մակարդակի խաղերում ցանկացած սխալ կարող է դառնալ բաց թողած գոլի պատճառ: Թե՛ մենք, թե՛ նրանք ունեն լավ թիմ: Պետք է օգտագործենք մեր պահերը: «Լեգիայի» դեմ առաջին խաղից առաջ Անդրեյ Միրոշնիչենկոյի հետ 200 դոլարի գրազ էի եկել, որ կդառնամ գոլի հեղինակ: Նա գրազը երկարաձգեց նաեւ պատասխան խաղի համար: Ամեն դեպքում, կփորձեմ գոլ խփել:
Իհարկե, միշտ ցանկանում ես գոլեր խփել: Այժմ ես լավ մարզավիճակում եմ, կանոնավոր դուրս եմ գալիս խաղադաշտ, սակայն քիչ եմ աչքի ընկնում: Չեմ կարող ասել, թե ինչքան եմ մնալու Ղազախստանում: Ես գործող պայմանագիր ունեմ «Կրասնոդարի» հետ: Եկել է նոր ամբիցիաներով նոր մարզիչ, ով ցանկանում է հաջորդ տարվա համար կառուցել նոր թիմ: Եթե ինձ առաջարկեն մնալ ու լավ պայմանագիր, ապա չեմ հեռանա:
Նորածին աղջկաս տեսել եմ, երբ նա նոր էր ծնվել: Մի քանի օր եղա Բրազիլիայում, իսկ դրանից հետո ոչ մի կերպ չի հաջողվում վերադառնալ հայրենիք: Հիմա դադար կլինի առաջնությունում, սակայն պետք է միանամ Հայաստանի հավաքականին»,- Մարկոսի խոսքը մեջբերում է sports.kz-ն:
Հիշեցնենք, որ տանը «Ատոբեն» նվազագույն հաշվով պարտվել է «Լեգիային»: Պատասխան խաղը կկայանա օգոստոսի 28-ին Լեհաստանում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։