Չինաստանի Նանջինգ քաղաքում ավարտին մոտեցող ամառային պատանեկան Օլիմպիական խաղերի վերջին օրը պայքարի մեջ մտան ազատ ոճի ըմբիշները:
Հայաստանը ներկայացնող Վաղինակ Մաթեւոսյանը 54 կգ քաշայինների պայքարում հաղթել է ռուս, նորզելանդացի եւ վենեսուելացի մարզիկների, սակայն պարտվել է ղազախ ըմբիշին եւ կպայքարի բրոնզե մեդալի համար: Երրորդ տեղի համար նա կգոտեմարտի եմենցի Էբրահիմ Ալ Շեբահի հետ:
76 կգ Սարգիս Հովսեփյանը մեկնարկային գոտեմարտում պարտվել է ճապոնացի ըմբիշին, սակայն հետագայում հնարավորություն է ստացել պայքարել բրոնզե մեդալի համար: Հովսեփյանը հաղթել է Կանադայի եւ Ամերիկյան Սամոայի ներկայացուցիչներին, իսկ բրոնզե մեդալի համար կգոտեմարտի կոլումբացի Կարլոս Արտուրո Մենդեսի հետ:
Հիշեցնենք, որ վերջին օրվանից առաջ Հայաստանը 5 մեդալով Քենիայի հետ ընդհանուր հաշվարկում բաժանում է 25-26-րդ տեղերը:
Ֆոտո՝ NEWS.am Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։