«Ռեալը» ներկայացրեց վիշապների պատկերով մարզաշապիկը (ֆոտո)

Մադրիդի «Ռեալը» ներկայացրել է երրորդ համազգեստը, որով Կարլո Անչելոտիի թիմը հանդես կգա 2014-2015 մրցաշրջանում, հաղորդում է մադրիդցիների ֆեյսբուքյան էջը։

Արքայական ակումբն այս համազգեստով կխաղա Չեմպիոնների լիգայում։ Այն սեւ է, իսկ մարզաշապիկին պատկերված են «արքա եւ թռչուն վիշապներ»։ Համազգեստի հեղինակն է «Ռեալի» տեխնիկական հովանավոր Adidas ընկերության գործընկեր, ճապոնացի դիզայներ Յոջի Յամամոտոն։

Շնորհանդեսին մասնակցել են պորտուգալացի հարձակվող Կրիշտիանու Ռոնալդուն, պաշտպան Պեպեն, իսպանացի պաշտպան Սերխիո Ռամոսը, կիսապաշտպան Խաբի Ալոնսոն եւ ուելսի կիսապաշտպան Գարեթ Բեյլը։