Ռուսաստանի Չելյաբինսկ քաղաքում անցկացվող ձյուդոյի աշխարհի առաջնությունում օգոստոսի 26-ին մրցասպարեզ դուրս եկան Հայաստանի ներկայացուցիչներ Դավիթ Ղազարյանը եւ Ժաննա Ստանկեւիչը։
66 կգ քաշային Ղազարյանն առաջին գոտեմարտում պարտվեց Բրազիլիայի ներկայացուցիչ Չարլզ Չիբանային, իսկ 52 կգ քաշային Ստանկեւիչը՝ ուկրաինուհի Տատյանա Լեւիցկային։
Հիշեցնենք, որ ավելի վաղ պայքարից դուրս էին մնացել 60 կգ քաշային Հովհաննես Դավթյանը եւ Գրիգոր Իվանյանը։ Հայաստանն ունի եւս երեք մասնակից՝ 81 կգ քաշային Անդրանիկ Չափարյանը եւ Ռաֆայել Դավթյանը եւ 73 կգ քաշային Արմեն Նազարյանը, ով պերուացի Դանիել Վիզկարային հաղթելու դեպքում կարող է գոտեմարտել Թուրքմենստանի ներկայացուցիչ Սամվել Հայրապետյանի հետ, եթե նա էլ դուրս գա երկրորդ շրջան։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։