Դորտմունդի «Բորուսիան» պարտությամբ մեկնարկեց ֆուտբոլի Գերմանիայի 2014/2015թթ. առաջնությունում: Բունդեսլիգայի առաջին տուրում Յուրգեն Կլոպի թիմն ընդունեց Լեւերկուզենի «Բայերին» ու պարտվեց 0:2 հաշվով:
Խաղի հաշիվը 7-րդ վայրկյանին բացեց «Բայերի» 24-ամյա կիսապաշտպան Քարիմ Բելարաբին, ով խփեց Բունդեսլիգայի պատմության ամենաարագ գոլը: Առաջին խաղակեսում ավելի լավ տպավորություն թողեցին հյուրերը, իսկ ընդմիջումից հետո նկատելի առավելություն ունեին դորտմունդցիները, ովքեր չկարողացան ստեղծել իրական գոլային պահեր ու փրկել խաղը, իսկ հյուրերը խփեցին նաեւ երկրորդ գոլը: Ավելացված ժամանակում գերմանացի հարձակվող Շտեֆան Կիսլինգը կրկնապատկեց «Բայերի» առավելությունը՝ վերջակետ դնելով խաղին:
Հայաստանի հավաքականի կիսապաշտպան Հենրիխ Մխիթարյանը «Բորուսիայի» մեկնարկային կազմում խաղաց առանց փոխարինման:
Գերմանիայի առաջնություն, առաջին տուր
«Բորուսիա» - «Բայեր»՝ 0:2
Քարիմ Բելարաբի, 1, Շտեֆան Կիսլինգ, 90+5
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։