Մուրատ Յակինը՝ Յուրա Մովսիսյանի վերականգնման մասին
21:40 23 օգոստոսի, 2014Մոսկվայի «Սպարտակի» նորանշանակ գլխավոր մարզիչ Մուրատ Յակինը ֆուտբոլի Ռուսաստանի առաջնության 5-րդ տուրում «Ուֆայի» նկատմամբ արտագնա հաղթանակից հետո խոսել է Հայաստանի հավաքականի հարձակվող Յուրա Մովսիսյանի վերականգնման մասին:
«Յուրայի վերականգնման վերաբերյալ դեռ հստակ ժամկետ չկա: Դեռ վաղ է ասել ինչ-որ բան: Նա դեռ չի մարզվում ընդհանուր խմբի հետ: Ամեն դեպքում, Մովսիսյանը վերականգնման ճանապարհին է: Ամեն ինչ ընթանում է ծրագրվածի պես: Յուրան աշխատում է անհատական ծրագրով»,- Յակինի խոսքը մեջբերում է «Սպարտակի» կայքը:
Հիշեցնենք, որ Յուրա Մովսիսյանը շարունակում է վերականգնվել ծնկահոդի վիրահատությունից: «Սպարտակի» մեկնարկային կազմում նրան փոխարինել է ռուս հարձակվող Արտյոմ Ձյուբան, ով Ռուսաստանի ընթացիկ առաջնության 5 տուրերում 3 անգամ դարձել է դուբլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։