Կարգապահության խախտման համար Բալոտելին «Լիվերպուլում» կզրկվի 2 միլիոն ֆունտից
14:47 23 օգոստոսի, 2014Սկանդալային վարքով հայտնի Մարիո Բալոտելիի աշխատավարձը «Լիվերպուլում» կկրճատվի տարեկան 2 միլիոն ֆունտով, եթե Իտալիայի հավաքականի հարձակվողը նոր թիմում խախտի կարգապահությունը եւ հայտնվի սկանդալների մեջ, հաղորդում է The Sun-ը: Լիվերպուլում գտնվող Մարիո Բալոտելին գործակալ Մինո Ռայոլայի հետ համաձայնեցնում է անձնական պայմանագրի վերջին մանրամասները: Սպասվում է, որ անգլիական ակումբը հինգ տարվա պայմանագիր կկնքի «Միլանի» խաղացողի հետ: Նրա տարեկան աշխատավարձը կլինի 4.6 միլիոն ֆունտ: Տրանսֆերի արժեքը գնահատվում է 16 միլիոն ֆունտ
Առաջիկայում «Լիվերպուլը» կհամալրի նաեւ 33-ամյա կամերունցի հարձակվող Սամուել Էտո՝Օ-ն, որն ունի ազատ գործակալի կարգավիճակ: Անցած մրցաշրջանում նա ներկայացնում էր Լոնդոնի «Չելսին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։