Բուլղարիայի Պազարջիկ քաղաքում oգոստոսի 10-ից 16-ն անցկացվել է նավամոդելային սպորտի մեծահասակների եւ երիտասարդների Եվրոպայի առաջնությունը, որին մասնակցել են 9 երկրների 102 մարզիկներ:
Արման Շահազիզյանը B1 դասում` օդային պտուտակով արագընթաց նավամոդել եւ A3 դասում` պտուտակով արագընթաց նավամոդել ձեւերում դարձավ Եվրոպայի կրկնակի չեմպիոն: B1 դասում սահմանելով աշխարհի ռեկորդ՝ արագությունը ժամում 279 կմ, նա գերազանցեց եղբոր՝ Բաբկեն Շահազիզյանի ռեկորդը, որը B1 դասում գրավել էր երրորդ տեղը:
Երիտասարդների առաջնությանը Ռուբեն Աշիկյանը նվաճեց 3 արծաթե մեդալ: B1 դասում նա սահմանել էր համաշխարհային ռեկորդ, որը սակայն, գերազանցեց բուլղարացի մարզիկը:
Եվրոպայի առաջնությանը լավագույն մասնակցության եւ լավագույն արդյունք ցուցաբերելու համար Արման Շահազիզյանին շնորհվել է Վլադիսլավ Սուբոտինի (A3 դասի) եւ Ռադ Ռադեւի (B1 դասի) անվանական «Լավագույն մարզիկ» գավաթները:
Մարզիկներին առաջնությանը նախապատրաստել էր Հայաստանի նավամոդելային սպորտի ֆեդերացիայի նախագահ, հավաքականի գլխավոր մարզիչ Հրաչյա Շահազիզյանը, հաղորդում է MSY.am-ը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։