Իսպանիայի չեմպիոն Մադրիդի «Աթլետիկոն» թիմի նորեկ Մարիո Մանջուկիչի գոլի շնորհիվ նվաճեց Իսպանիայի սուպերգավաթը: «Վիսենտե Կալդերոն» ստադիոնում կայացած պատասխան խաղում Իսպանիայի գավաթակիր Մադրիդի «Ռեալը» պարտվեց նվազագույն հաշվով: Մանջուկիչը Իկեր Կասիլյասի պաշտպանած դարպասը գրավեց արդեն երկրորդ րոպեին:
Մրցավարների որոշումների դեմ չափազանց բուռն բողոքելու համար 26-րդ րոպեին հեռացվեց «Աթլետիկոյի» գլխավոր մարզիչ Դիեգո Սիմեոնեն, որը հանդիպման ընթացքին հետեւեց տրիբունայից:
Արքայական թիմի պորտուգալացի հարձակվող Կրիշտիանու Ռոնալդուն խաղադաշտ դուրս եկավ 46-րդ րոպեին՝ փոխարինելով Տոնի Կրոսին:
Առաջին հանդիպումն ավարտվել էր ոչ ոքի՝ 1:1:
Իսպանիայի Սուպերգավաթ, պատասխան հանդիպում
«Աթլետիկո» - «Ռեալ»՝ 1:0
Մարիո Մանջուկիչ, 2
Հեռացում՝ Լուկա Մոդրիչ («Ռեալ»), 90
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։