Նեյմարը կրկին վնասվածք է ստացել

Կատալոնական «Բարսելոնայի» եւ Բրազիլիայի հավաքականի հարձակվող Նեյմարն օգոստոսի 22-ին կայացած մարզման ժամանակ կոճի վնասվածք է ստացել, փոխանցում է AS-ը։

22-ամյա ֆուտբոլիստի վնասվածքի լրջությունը եւ ապաքինման ժամկետները դեռ չեն հաղորդվում։ Այսպիսով, հարցականի տակ է նրա մասնակցությունն օգոստոսի 24-ին կայանալիք Պրիմերայի մեկնարկային տուրի՝ «Էլչեի» հետ խաղին։

Հիշեցնենք, որ Նեյմարն օրեր առաջ էր ապաքինվել ողնաշարի վնասվածքից, որը ստացել էր Բրազիլիայում կայացած աշխարհի առաջնությունում կոլումբացի Խուան Սունիգայի հետ բախման ժամանակ։