Հայաստանի Գավաթ. Քառորդ եզրափակիչի զույգերը

Օգոստոսի 22-ին ՀՖՖ-ում տեղի ունեցավ Հայաստանի գավաթի խաղարկության վիճակահանությունը։

Հայաստանի նախորդ առաջնության լավագույն չորս ակումբները՝ «Բանանցը», «Շիրակը», «Միկան» եւ «Արարատը» քառորդ եզրափակիչում չեն հանդիպի միմյանց։ Քառորդ եզրափակիչում կմրցեն հետեւյալ զույգերը՝ «Միկա» - «Գանձասար», «Ուլիս» - «Բանանց», «Փյունիկ» - «Շիրակ», «Արարատ» - «Ալաշկերտ»։

Առաջին եւ երկրորդ, երրորդ եւ չորրորդ զույգերի հաղթողները կհանդիպեն կիսաեզրափակիչներում։ Քառորդ եզրափակիչի առաջին հանդիպումները կկայանան սեպտեմբերի 17-ին եւ հոկտեմբերի 1-ին, իսկ պատասխան խաղերը՝ հոկտեմբերի 22-ին եւ նոյեմբերի 5-ին։ Կիսաեզրափակիչ խաղերը կկայանան 2015 թվականի մարտի 18-19 եւ ապրիլի 15-16-ին, իսկ եզրափակիչը՝ մայիսի 6-ին։

Հիշեցնենք, որ Հայաստանի գավաթակիրն է Երեւանի «Փյունիկը»։