Իմոբիլե. Կլոպը ցանկանում է, որ ֆուտբոլիստները նրա հետ անկեղծ լինեն
09:12 22 օգոստոսի, 2014«Բորուսիան» Եվրոպայի առաջատար ակումբներից է, իսկ Գերմանիան՝ ֆուտբոլի կենտրոնը, ասել է Դորտմունդի «Բորուսիայի» եւ Իտալիայի հավաքականի հարձակվող Չիրո Իմոբիլեն։ Իտալացին նաեւ գովեստի խոսքեր է ասել գերմանական ակումբի գլխավոր մարզիչ Յուրգեն Կլոպի հասցեին։
«Այստեղ ամեն ինչ հիանալի է կազմակերպված։ Կլոպին դուր է գալիս իմ ջանասիրությունը եւ նպատակասլացությունը։ Նա կարծում է, որ ես մարտիկ եմ։
Յուրգենը յուրահատուկ անձնավորություն է, ով միշտ ձգտում է զրուցել ֆուտբոլիստների հետ։ Կլոպը նրանց վերաբերվում է ինչպես ընկերների եւ ցանկանում է, որ խաղացողները նրա հետ անկեղծ լինեն»,- Իմոբիլեի խոսքը մեջբերում է Sport1.de-ն։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։