Դել Բոսկեն եւ Կոնտեն ներկա են եղել «Նապոլի» - «Աթլետիկ» հանդիպմանը
23:52 20 օգոստոսի, 2014Ֆուտբոլի Իսպանիայի հավաքականի գլխավոր մարզիչ Վիսենտե Դել Բոսկեն ներկա է եղել Չեմպիոնների լիգայի որակավորման չորրորդ փուլի՝ իտալական «Նապոլիի» եւ Բիլբաոյի «Աթլետիկի» միջեւ հանդիպմանը, հաղորդում է TMW-ը։
Իսպանացի մասնագետի գլխավոր նպատակն էր հետեւել «Աթլետիկի» ֆուտբոլիստներ Անդեր Իտուրասպեին, Իկեր Մունիաինին եւ Օսկար Դե Մարկոսին, ովքեր հավաքականում հայտնվելու թեկնածուներից են։ Հանդիպմանը ներկա է եղել նաեւ Իտալիայի հավաքականի գլխավոր մարզիչ Անտոնիո Կոնտեն։
Հիշեցնենք, որ «Նապոլի» - «Աթլետիկ» հանդիպումն ավարտվել էր 1։1 հաշվով։ Մունիաինը դարձել էր գոլի հեղինակ, իսկ Դե Մարկոսը կատարել էր գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։