Թուրք ֆանատները շիշ են նետել Արսեն Վենգերի վրա
10:46 20 օգոստոսի, 2014Լոնդոնի «Արսենալի» եւ թուրքական «Բեշիկթաշի» միջեւ Չեմպիոնների լիգայի որակավորման վերջին՝ չորրորդ փուլի առաջին խաղից հետո թուրք ֆանատները շիշ են նետել անգլիական ակումբի գլխավոր մարզիչ Արսեն Վենգերի ուղղությամբ: Դա տեղի է ունեցել այն պահին, երբ ֆրանսիացի մասնագետն ուղեւորվելիս է եղել դեպի հանդերձարան: Միջադեպի վրաբերյալ «Արսենալն» արդեն բողոք է ուղարկել ՈւԵՖԱ-ին:
«Երբ հեռանում էի խաղադաշտից, ինձ վրա նետեցին շշի պես մի առարկա: Միջադեպի մասին հայտնել եմ ՈւԵՖԱ-ին»,- Վենգերի խոսքը մեջբերում է The Telegraph-ը:
Հիշեցնենք, որ Ստամբուլում կայացած խաղն ավարտվել էր 0:0 հաշվով: «Արսենալի» եւ «Բեշիկթաշի» միջեւ պատասխան հանդիպումը տեղի կունենա օգոստոսի 27-ին Լոնդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։