Հոլանդացի մասնագետ Լուի վան Գալը «Մանչեսթեր Յունայթեդի» գլխավոր մարզիչի պաշտոնում նորամուտը պարտությամբ նշեց անգլիական Պրեմյեր լիգայում: Ֆուտբոլի Անգլիայի առաջնության առաջին տուրում մանչեսթերցիները սեփական խաղադաշտում 1:2 հաշվով պարտվեցին ուելսյան «Սուոնսիին»:
Առաջին խաղակեսից հետո հյուրերն առջեւում էին հաշվի մեջ, սակայն 53-րդ րոպեին Անգլիայի հավաքականի հարձակվող Ուեյն Ռունին խփեց «Մանչեսթեր Յունայթեդի» պատասխան գոլը: Թվում էր, թե մանչեսթերցիները կխփեն նաեւ երկրորդ գոլը, սակայն 72-րդ րոպեին Լոնդոնի «Տոտոնհեմի» նախկին կիսապաշտպան Գիլֆի Սիգուրդսոնը հաղթանակ պարգեւեց «Սուոնսիին»:
Սա Լուի վան Գալի առաջին պարտությունն էր «Մանչեսթեր Յունայթեդի» գլխավոր մարզիչի պաշտոնում:
Անգլիայի առաջնություն, առաջին տուր
«Մանչեսթեր Յունայթեդ» - «Սուոնսի»՝ 1:2
Ուեյն Ռունի, 53 – Կի Սուն-Յոն, 29, Գիլֆի Սիգուրդսոն, 72
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։