«Լիդս Յունայթեդը» ոստիկանությունից պահանջում է 800 հազար ֆունտ ստերլինգ
16:48 2 օգոստոսի, 2014Անգլիական «Լիդս Յունայթեդ» ֆուտբոլային ակումբը դատի է տվել տեղի ոստիկանությանը՝ պահանջելով վերադարձնել 800 հազար ֆունտ ստերլինգ, որը նախորդ տարիներին ակումբը վճարել է իրավապահ մարմիններին տնային խաղերի ժամանակ հասարակական կարգը հսկելու համար, հաղորդում է BBC-ն:
2012-ին ոստիկանությունն արդեն մի դատական գործ տանուլ էր տվել եւ ստիպված էր «Լիդսին» վերադարձնել 1.2 միլիոն ֆունտ ստերլինգ: Այժմ դատարանն ուսումնասիրում է ակումբի եւ ոստիկանության հաշվարկները 2009-2012 թվականներին:
Անգլիական երկրորդ դիվիզիոնում հանդես եկող «Լիդսը» պնդում է, որ «Էլանդ Ռոուդ» ստադիոնի հարակից փողոցների եւ տարածքի պարեկությունը ոստիկանության պարտականությունն է, եւ դրա համար ակումբը պարտավոր չէ վճարել: Արեւմտյան Յորքշիրի ոստիկանությունը հայտարարել է, որ կգտնեն փոխզիջումային լուծում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։