Ռոնալդու. «Մանչեսթեր Յունայթեդը» երկրորդ ընտանիքս էր
15:58 2 օգոստոսի, 2014«Մանչեսթեր Յունայթեդն» իմ ամենասիրելի ակումբներից մեկն է, ասել է Մադրիդի «Ռեալի» եւ Պորտուգալիայի հավաքականի հարձակվող Կրիշտիանու Ռոնալդուն ԱՄՆ-ում կայանալիք թիմերի ընկերական հանդիպումից առաջ, փոխանցում է theguardian-ը:
«Ես տեղափոխվեցի «Մանչեսթեր Յունայթեդ», երբ 18 տարեկան էի: Մանչեսթերում նվաճեցի հնարավոր բոլոր տիտղոսները: Ես սիրում եմ Մանչեսթերը: Որոշ նախկին ակումբակիցներիս հետ կապ ունեմ մինչեւ հիմա: Խոսը ոչ միայն ֆուտբոլիստների մասին է, նաեւ՝ ակումբի աշխատակիցների: «Մանչեսթեր Յունայթեդն» իմ երկրորդ ընտանիքն էր: Իհարկե, «Ռեալում» ես երջանիկ եմ: Այն իմ տունն է: Մանչեսթեր վերադառնալու մասին ոչինչ չեմ կարող ասել: Ոչ ոք չգիտի, թե ինչ կլինի ապագայում: Բայց «Յունայթեդում» ես ինձ հրաշալի էի զգում»,- ասել է Ռոնալդուն:
Պորտուգալացի ֆուտբոլիստը ոչ օպտիմալ մարզավիճակի պատճառով չի կարողանա մասնակցել այս գիշեր կայանալիք «Ռեալ» - «Մանչեսթեր Յունայթեդ» հանդիպմանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։