Եվրոպայի Սուպերգավաթ. «Ռեալի» դարպասը կպաշտպանի Կասիլյասը
15:38 2 օգոստոսի, 2014Ֆուտբոլի Եվրոպայի Սուպերգավաթի խաղում Չեմպիոնների լիգայի գավաթակիր Մադրիդի «Ռեալի» դարպասը կպաշտպանի Իկեր Կասիլյասը, հաղորդում է AS-ը: Այդ մասին հայտնել է Արքայական թիմի իտալացի գլխավոր մարզիչ Կարլո Անչելոտին:
Օգոստոսի 12-ին Կարդիֆում (Ուելս) կայանալիք ՈւԵՖԱ-ի Սուպերգավաթի խաղում «Ռեալի» մրցակիցը կլինի Եվրոպայի լիգայի հաղթող իսպանական «Սեւիլիան»:
Անցած մրցաշրջանում Կասիլյասը «Ռեալի» դարպասապահն էր Չեմպիոնների լիգայում, իսկ Իսպանիայի առաջնությունում հանդես էր գալիս Դիեգո Լոպեսը: Բրազիլիայում կայացած աշխարհի առաջնությունում Կասիլյասը ցուցադրեց անկայուն խաղ: Իսպանիայի հավաքականը չհաղթահարեց խմբային փուլի արգելքը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։