Մադրիդի «Ռեալի» պաշտոնական խանութներում 10 օրվա ընթացքում վաճառվել է Կոլումբիայի հավաքականի կիսապաշտպան Խամես Ռոդրիգեսի 502 հազար մարզաշապիկ, փոխանցում է Marca-ն։
Դա ռեկորդային ցուցանիշ է։ Արքայական ակումբը 2013 թվականին վաճառել է 1.45 միլիոն մարզաշապիկ, որից մեկ միլիոնը պատկանում էր պորտուգալացի հարձակվող Կրիշտիանու Ռոնալդուին։
23-ամյա Ռոդրիգեսի մարզաշապիկի գինը 101 եվրո է։ Այսպիսով, «Ռեալը» 10 օրում կոլումբացու մարզաշապիկների վաճառքից ստացել է 50 միլիոն եվրո։
Հիշեցնենք, որ Խամես Ռոդրիգեսը Բրազիլիայում կայացած աշխարհի առաջնության լավագույն ռմբարկուն է։ Նրա տրանսֆերի համար մադրիդցիները «Մոնակոյին» վճարել են 80 միլիոն եվրո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։