«Բարսելոնայի» նախագահի ժամանակավոր պաշտոնակատար Խոսեպ Մարիա Բարտոմեուն ակնարկել է, որ կատալոնական ակումբը դեռ կարող է նոր ձեռքբերումներ կատարել մինչեւ տրանսֆերային պատուհանի ավարտը։
«Տրանսֆերային պատուհանը դեռ չի փակվել, քանի որ դա տեղի կունենա միայն մեկ ամսից։ Կարծում եմ՝ դեռ կարող ենք ինչ-որ բան անել տրանսֆերային շուկայում»,- Բարտոմեուի խոսքը մեջբերում է Goal.com-ը։
Իսպանիայի փոխչեմպիոնի գլխավոր տրանսֆերային նպատակն է ֆրանսիական ՊՍԺ-ի բրազիլացի պաշտպան Մարկինյոսը։
Հիշեցնենք, որ ամռանը «Բարսելոնան» ձեռք է բերել չիլիացի դարպասապահ Կլաուդիո Բրավոյին, գերմանացի դարպասապահ Մարկ-Անդրե տեր Շտեգենին, ուրուգվայցի հարձակվող Լուիս Սուարեսին եւ ֆրանսիացի պաշտպան Ժերեմի Մաթյեին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։