Օբամեյանգ. Մտադիր չեմ հեռանալ «Բորուսիայից»
00:29 2 օգոստոսի, 2014Ընդամենը մեկ մրցաշրջանից հետո մտադիր չեմ հեռանալ «Բորուսիայից», ասել է դորտմունդյան ակումբի եւ Գաբոնի հավաքականի հարձակվող Պյեր-Էմերիկ Օբամեյանգը, հաղորդում է sportbild-ը:
«Այո, լսել եմ, որ Իտալիայի եւ Անգլիայի ակումբներ հետաքրքրվում են իմ ծառայություններով, սակայն դա ինձ չի հետաքրքրում: Իմ պայմանագիրն ուժի մեջ է մինչեւ 2018 թվականը, եւ ես թիմից հեռանալու ցանկություն չունեմ: Ոչ ոք չի կարող ստիպել ինձ տեղափոխվել այլ ակումբ»,- ասել է Օբամեյանգը:
Հիշեցնենք, որ օգոստոսի 1-ին Ավստրիայում կայացած ընկերական խաղում Օբամեյանգի գոլի շնորհիվ «Բորուսիան» նվազագույն հաշվով հաղթել է իտալական «Կյեւոյին»:
Բունդեսլիգայի անցած մրցաշրջանում Օբամեյանգը խփել է 13 գնդակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։