Բրիտանական William Hill բուքմեյքերական ընկերությունը Ռուսաստանի Պրեմյեր լիգայի առաջնության մեկնարկային տուրում «Ռուբին» - «Սպարտակ» հանդիպման խաղադրույք է ընդունում մոսկովյան թիմի եւ Հայաստանի հավաքականի կիսապաշտպան Արաս Օզբիլիսի գնդակ խփելու եւ «Սպարտակի» հաղթանակի կցված իրադարձությունների համար՝ սահմանելով 13.00 գործակից: Արտառոց խաղադրույքի վրա ուշադրություն է դարձրել ռուսաստանցի հայտնի ֆուտբոլային հեռուստամեկնաբան Կոնստանտին Գենիչը:
Հիշեցնենք, որ Օզբիլիսը ծնկահոդի վիրահատությունից հետո բաց կթողնի առնվազն կես տարի:
«Ռուբին» - «Սպարտակ» հանդիպումը կմեկնարկի Երեւանի ժամանակով 20:00-ին: Հայտավորված չէ նաեւ մոսկովյան թիմի եւ Հայաստանի հավաքականի հարձակվող Յուրա Մովսիսյանը, որը եւս ծնկահոդի վիրահատությունից հետո ապաքինվում է եւ խաղադաշտ կվերադառնա, ենթադրաբար, հոկտեմբերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։