Մեկնարկում է շախմատի Համաշխարհային օլիմպիադան

Նորվեգիայի Տրոմսյո քաղաքում օգոստոսի 1-ին տեղի կունենա 41-րդ համաշխարհային շախմատային օլիմպիադայի բացման արարողությունը։ Առաջին տուրը կանցկացվի օգոստոսի 2-ին: Մրցումներին կմասնակցեն նաեւ տղամարդկանց եւ կանանց Հայաստանի հավաքականները։ Հայտավորված են տղամարդկանց 178 եւ կանանց 134 թիմեր։ Մրցումները կավարտվեն օգոստոսի 14-ին։

Հայաստանի թիմերն Օլիմպիադային կմասնակցեն հետեւյալ կազմերով.

Տղամարդիկ. Լեւոն Արոնյան, Գաբրիել Սարգսյան, Սերգեյ Մովսեսյան, Վլադիմիր Հակոբյան, Տիգրան Քոթանջյան:

Կանայք. Էլինա Դանիելյան, Լիլիթ Մկրտչյան, Մարիա Կուրսովա, Լիլիթ Գալոյան, Շուշաննա Սարգսյան:

Հիշեցնենք, որ տղամարդկանց Հայաստանի հավաքականն Օլիմպիադայի եռակի չեմպիոն է։ Հայ գրոսմայստերները ուժեղագույնն էին 2006 (Թուրին), 2008 (Դրեզդեն) եւ 2012 (Ստամբուլ) թվականներին։