Սուարեսի որակազրկումը կարող է կրճատվել մինչեւ երկու ամիս

09:49   1 օգոստոսի, 2014

Կատալոնական «Բարսելոնայի» եւ Ուրուգվայի հավաքականի հարձակվող Լուիս Սուարեսի չորս ամսվա որակազրկումը կկրճատվի։

La Vanguardia-ի համաձայն՝ Լոզանի մարզական վճռաբեկ դատարանը (CAS) 27-ամյա ֆուտբոլիստի որակազրկումը կկրճատի մինչեւ երկու ամիս։ Այսպիսով, Բրազիլիայում կայացած աշխարհի առաջնությունում իտալացի պաշտպան Ջորջո Կյելինիի ուսը կծելու համար որակազրկված Սուարեսը կկարողանա մասնակցել Իսպանիայի առաջնության երրորդ տուրի՝ Բիլբաոյի «Աթլետիկի» հետ հանդիպմանը, որը կկայանա սեպտեմբերի 14-ին։

Ուրուգվայի հավաքականում Սուարեսի 9-խաղյա որակազրկումը կմնա ուժի մեջ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։