Լիոնել Մեսիին սպառնում է մինչեւ 6 տարվա ազատազրկում
18:08 31 հուլիսի, 2014Կատալոնական «Բարսելոնայի» եւ Արգենտինայի հավաքականի հարձակվող Լիոնել Մեսիին հարկերից խուսափելու համար սպառնում է 6 տարվա ազատազրկում, փոխանցում է Eurosport.com-ը։
Դատախազ Ռակել Ամադոն խնդրել էր «Ոսկե գնդակի» քառակի դափնեկրի վրայից հանել մեղադրանքները, քանի որ նրա կարծիքով՝ ամբողջ պատասխանատվությունն ընկած է Լիոնելի հայր Խորխե Մեսիի վրա, սակայն Բարսելոնայի դատարանը մերժել է այն։
Իսպանիայի քրեական օրենսդրության համաձայն՝ հարկերից խուսափելու համար սահմանված է մինչեւ 6 տարվա ազատազրկում։ Հենց այսպիսի պատիժ է սպառնում Մեսիին եւ նրա հորը, իսկ նրանց ընտանիքը կարող է վճարել 32 միլիոն եվրո տուգանք։
Հիշեցնենք, որ «Բարսելոնայի» հարձակվողն Instagram-ի իր էջում տեղադրել էր լուսանկար, որի նկարագրության մեջ գրված էր. «Առյուծին չի հետաքրքրում ոչխարի կարծիքը»։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։